Lütfen bekleyin..
Munzur Haber / Dêrsim cayê kurd û elewîyan o

Dêrsim cayê kurd û elewîyan o

23 Şubat 2019, 10:43

Şarê Dêrsimî, qeyûmo ke ameyo tayînkerdene sey ‘dagirker’ biname keno û dîyar keno ke ê seba erşawitişê qeyûmî paweyê 31ê Adare yî ke peynîya rewşe bîyarî.

Badê ke qeyûm tayînê Şaredarîya Dêrsimî ame kerdene, hemşaredar Nûrhayat Altûn û Mehmet Alî Bûlî ameyî tepiştene. Şarê Dêrsimî da zanayene ke ê seba erşawitişê qeyûmî paweyê 31ê Adare yî. Derheqê babete de hemwelatîyê dêrsimijî qisey kerdî.

Hemwelatîyan ra Îbrahîm Arslano 80 serrî qiseykerdişê xo de wina va: “Qeyûm qet baş nîyo û hetgir o. Hetgirê AKPyî yo. Kamî bibo endamê AKPyî înan keno kar. Çira qeyûm tayînê Dêrsimî kerdî. Wa sere de hesab bidî. Xebatê qeyûmî xema ma de nîyî. Çîyo ke kerdo zî mecburî vera kerdo û xêrê xo nêkerdo. Şaredarî yena manaya xizmet. Mecburî bikerî.”

Hemwelatîyêko bîn Zekî Bagayî va: “Qeyûm hemverê demokrasî yo. Ganî şaredar bi rayanê şar bêrî weçînitene. Tayînkerdeneyê qeyûman çîyêko raşt nîyo. Xizmetê ci helbet bîyî, labelê seke ame vatene seba demokrasî çîyêk nêkerdo. Cayo ke tede demokrasî bibo de tayînkerdeneyê qeyûman raşt nîyo.”

Hatîce Akkartale zî da zanayene ke herêma înan herêma kurdan a û va:”Kam beno wa bibo, ganî bixebeto. Tîya herêma kurdan o. Cok ra ez wazena kurdî ser bikerwî. Ez do raya xo bida temsîlkaranê şarê xo.”

Çîçek Konaka 75 serrî qiseykerdişê xo de va: “Qeyûm, yew ziman, yew ol û yew netewe yo. Eke îradeya mi nêro hesibnayene, ez xebata înan zî nêwazena. Dêrsim cayê kurd û elewîyan o. Ez wazena temsîlkarê ci zî kurd û elewî bî. Dêrsim yê kurdan o û ganî kurdî qezenc bikerî.”

Velî Yildirimî zî va: “Mi gore qeyûm merdimêko dagirker o. Şaredarîya Dêrsimî destê dagirkeran de ya. Lazimîya şaredarî bi wayîranê aye esta. Ti xizmetêko cîya yê qeyûmî çin o. Viraştişê di piran xizmet nîyo. Dêrsim bajarêko tarî nîyo. Bîlasebeb hende roşna û çilayan aliqnayî. Çîyo ke yeno kerdene zî cêba şarî ra yeno kerdene.”

DÊRSIM

Bu haber 613 kere okundu
  • Bu haberi paylaşın:
UYARI: Konuyla ilgisi bulunmayan, hakaret içeren cümleler veya imalar, inançlara saldırı, şiddete teşvik ve tamamı büyük harfle yazılan yorumlar onaylanmamaktadır.
Kategorisindeki Diğer Haberler
Daimi Doğan nusna: “Dersîm de îtîqat be zon jûvînî ra pêrabestî yê. Vajîm..