Lütfen bekleyin.. Lütfen bekleyin..
viraşt, vera Dersim na dişmenîya xo ramena. Tewr peynî de, qeyûmo ke Şaredarîya DBP yê Dersim xesp kerd, tabelaya ‘Dersim’ ard war û hurendîya ci de tabelaya bi sernuşteyê ‘Tûncelî’ aliqna.
Qeyûmê ke şaredarîyanê DBP xesp kerdî û tehamulê ziwanê kurdî nêkenê, vera ziwan û erjayeyanê Kurdan dişmenî û hêrîşanê xo ramenê.
Bado ke DBP weçîntayîşanê heremî qezenc kerd, nameyê şaredarîya Dersim zey di tabelayan vûrna. Herzewbîn bin banê şaredarî de Merkezê Kultur abîya û bi seyan wendekaran rê dersê ziwan, muzîk û kulturî amey dayen.
16'ê Mijdara 2016’î de netîceyê operasyonê qirkerdişê sîyasî de tepiştişê hemşaredarê DBP yê Dersim Mehmet Alî Bûl û Nûrhayat Altûn ra dima, yardimkarê walî Olgun Oner zey qeyûm tayînê sûk bi. Peycoy walî Osman Kaymak, Hasan Çîçek û tewr peynî de zey qeyûmo 4. Tûncay Sonel ame tayînkerdiş. Qeyûmê 4. ê nikayî, fermanê war ardenê tabelaya Dersim û hurendîya ci de aliqnayîşê tabelaya Tûncelî da.
Qeyûmanê verîkîn zî nameyê xeylê sazgeh, komel, esnaf û kuçeyan açarnaybî tirkî. Komela Kultur yê Dersim, Komela Kultur û Hunerî yê Xozat, Komela Kultur yê Pilûrî zî nê sazîyan ra çend hebî yê.
1935î de nameyê Dersim kerdî ‘Tûnceli’
Vera Dersim ferasetê qedexe yê dewleta Tirk reseno serranê 1930î. Dewlet 25ê Kanûne 1935î de nameyê Dersim kerd ’Tûnceli’ û 1937-38î de qirkerdişekê gird sûk de viraşt û bi des hezaran welatijan qir kerd. Na dişmenî û bêtehamulîya dewlet hona zî ramena. Dersim him kişta tarîxî ra, him zî bi sebebê îtîqatê elewitî her tim hedefê dewlet de bi.
Asîmîlasyon û ‘tirkperestî’
Hikûmeta AKP zî hewl dana ke pêrokîn rêçanê Dersim têkbibero û hurendîya ci de ‘tirkperestîye’ û rejîmêke bi rengî sunîye înşa bikero. Seba na proje jû hetî ra operasyonê leşkerî yenê ramiten, heto bîn ra seba qirkerdişê sîyasî û kulturî her çî kena. Dersim de kerdişê tewr peynî yê rejîmê Anqara, zey 23ê Kanune 1935î açarnayîşê nameyê Dersim, o ke ser tabelaya şaredarîya sûk de amebi nuştiş o.
Xebatê kulturî hedef de yî
No mavên de heta nika bi desan Şaredarîyanê DBP ke qeyûm tayînê ci bi de, tabelayê kurdî amey ronayene û hurendîya ci de tabelayê bi tirkî aliqnîyay. Xisûsî xebatê ziwan û kulturî hedef de yî. Herzewbîn xeylê peyker û sembolê ke şaredarîyanê DBP viraştibî zî amey ronayene. Bi desan gurekarê şaredarîyan karî ra amey eştiş û merkezê kultur û yê cinîyan amey padayîş.
DÎHABER/DERSIM
