Lütfen bekleyin..
Munzur Haber / ‘Êdî şerto ke polîtîkaya Kurdistanî bigî rojdemê xo’

‘Êdî şerto ke polîtîkaya Kurdistanî bigî rojdemê xo’

24 Haziran 2016, 10:51

Hemsereka DBPe Sebahat Tuncel aşkera kerd ke hêzî ke wazenî Rojhelato Mîyanên newe ra do dîzayn bikerî, êdî nêeşkenî bê kurdan polîtîka xelq bikerî, no ser zî wayîrê hêzî ganîya ke polîtîkaya Kurdistanî bigî rojdemê xo.

Hemsereka DBPe Sebahat Tuncel aşkera kerd ke hêzî ke wazenî Rojhelato Mîyanên newe ra do dîzayn bikerî, êdî nêeşkenî bê kurdan polîtîka xelq bikerî, no ser zî wayîrê hêzî ganîya ke polîtîkaya Kurdistanî bigî rojdemê xo.
Weçînayîşê 7’ê Hezîrane 2015’î ra pey hukimatê AKPe dest pê polîtîkayê şerî kerd û peynî zî nê polîtîkayê xo açarna polîtîkayê qedexeyê tebervejyayîşî, qirkerdişî, hawanayîşê destnêdayîşê wekîlê HDPe, binçimgirewtiş, qetilkerdiş, dorûverî ke şarê kurdî hetkarî danî ra teda û zilm û şaredarîyê kurdan tayînkerdişê kayyuman.
Hemsereka DBPe averşîyayîşê sîyasî ser o qise kerd. Tuncel ciresna ke dinya û Rojhelato Mîyanên de dijî modernîteya kapîtalîstî de gêrayîşêk esto û 2010 de Afrîka de Wisarê Ereban destpêka no gêrayîşî bî.

Şorişê Rojawanî
Tuncel dîyar kerd ke Şorişê Rojawanî bî semedê şar, cenî, ciwan û dorûverê demokratîke ke ferasetê rejîmo faşîst rixne kenî ra omid û wina vat: “Bi destpêka Wisarê Ereban Lîbraya ra hetanê Tunusî îqtîdarê faşîst têk şîyî labelê pergalo ke newe ame xelqkerdiş, waştîşî ra şaran verpers nêbî. Şorişê Rojawanî dijî modernîteya kapîtîlastî, modernîteya demokratîk xelq kerd û no zî bî destpêka demserra neweyî. Hêzî ke wazenî Rojhelato Mîyanên newe ra dîzayn bikerî, êdî nêeşkenî bê kurdan polîtîkayê newe xelq bikerî. No ser zî ganîya ke nê wayîrê hêzî rojdemê xo ra polîtîkaya Kurdistanî bigî. Îqtîdarî ke rojdemê xo ra polîtîkaya Kurdistanî girewtî, bi sayeya têkoşînê kurdan girewtî. Xeyalê Tirkîya yê xanedanî bi xoverdayîşê kurdan têk şî.”
Polîtikayê AKP têk şîyî
 

Tuncel ciresna ke demo ke Rayberê Şarê Kurdî Abdullah Ocalan reyde pêvînayîşan de AKP polîtîkayê rijnayîşê şaristanan vist dewreyî no zî problemê AKPe awanî ra qewimya û wina peynî kerd: “Çi heyf ke AKPe verba xobedilnayîşî de şî kanşopîye pawit la na polîtîkaya AKPe zî bi xoverdayîşê şarî têk şî. AKP Sûr, Cizîr, Gever, Nisêbîn û sewbê şaristanê Kurdistan de ona xoverdayîşêko gird taxmîn nêkerdînî. Ya aştî bêro ya zî şer xorîn bibo.”

Tuncel û hemşaredarî şarî reyde de ameyî têhet

Hemserekê Şaredarîya Şaristanê Girde yê Amedî Gultan Kişanake û Firat Anli Kaplan City Park de muxdar û seydayan de werdê fitarî de ameyî têhet. Hemsereka DBPe Sebahat Tuncel, wekîlê HDPe yê Amedî Îmam Taşçier, hemserekê HDP û DBPe yê şaristanî, temsîlkarê sazîyê sîvîlan, Dayîkê Aştî, endamê meclîsî, muxtar û seydayî beşdarê werdê fitarî bîyî. Hemşaredarî meymanan de yew bi yew eleqedar bîyî.
Ewil hemşaredar Kişanake yew qiseykerdiş kerd. Kişanake qiseykerdişê xo de vist vîr ke demo peyên de bajarî ameyê rijnayîş û dejê pîlî ameyê antiş û wina vat: “Ma pêro xemgîn ê û demêko xidarî ra vîyarenê. Wa aşma Remezanî bibo wesîleya aştî, çareserî.”
Dima ra hemşaredar Firat Anli yew qiseykerdiş kerd û wina vat: “Aşma Remezanî aşma rehmetî ya. Înşallah xeyrê Remezanî dorê şaristanê ma gêno û ma pêro nê xeyrî ra feyde vînenê. Homa yewitîya ma hêzdar bikero.”
Hemsereka DBPe Sebahat Tuncele zî îzah kerd ke demêko zehmetinî ra derbas benê û waşt wa her kes fitre û zekatanê xo semedê Sûr, Cizîre, Nisêbîn û Gever kar bîyaro.

BÊRÎTAN ELYAKUT

JINHA/AMEDAMED

Bu haber 697 kere okundu
  • Bu haberi paylaşın:
UYARI: Konuyla ilgisi bulunmayan, hakaret içeren cümleler veya imalar, inançlara saldırı, şiddete teşvik ve tamamı büyük harfle yazılan yorumlar onaylanmamaktadır.
Kategorisindeki Diğer Haberler
Daimi Doğan nusna: “Dersîm de îtîqat be zon jûvînî ra pêrabestî yê. Vajîm..