Lütfen bekleyin..
Munzur Haber / Mordnayisê peynî yê festîvalî destci kerd

Mordnayisê peynî yê festîvalî destci kerd

04 Haziran 2016, 08:48

Festîvala Kultir ê Dersim ke her serr Awrûpa de virajîna emserr bi slogana ’Kurdistana Azad de Xoserîya Dersim’ û ‘Dersim de Jenosîdê Xoza û Kultirî rê nê’ 10 û 11ê Hezîran de Frankfûrd de virajîna.

Dersimij û alewîyê kurd yê ke bi hesreta gird dûrê welatê xo cuwyenê û nêşkenê şorê hardê xo rêxistinbiyîn û poşdayenê mavêna xo kenê gird. Festîvala Kultir ê Dersim ke her serr virajîna kî na poştdayena jûbîn ra jû ya. Emserr kî serva Festîvala 8. rewna ra hadreyînî destpa kerdî. 

Festîvala ke hetê FEDA, ADEF, Cemîyetê Newede ra Înşakerdenê Dersim, Komeleya Kurmeş, Komeleya Dûştê Tertelê ’38 yê Dersim, Komeleya Pilûr û DersimSpor organîze bena, 10 û 11ê Hezîran de sûka Almanya Frankfûrt de virajîna. Bernameyê festîval hetê mesajanê sîyasî û hetê performansê kulturî yê sehne zaf dewlemend û rengînî yo. 

 

Panel a ‘Dersim a xoser’

Festîval 10ê Hezîran de seat 17.00î de eve panel destci kena. Panelê “Tertelê Dersim ra na het îdareyê xoser û Dersim a xoser”  ke eve moderatorîya rojnameger Bakî Gul’î destci keno, pawitox û nuştox Erdal Dogan, çormeger Haydar Çetînkaya, nuştox û cigeyrayox Kazim Cîhan, nuştox û Hemserokê FEDA Erdogan Yalgin dê ser babedî de zey panelîstî qisey bikerê. Badê panelî seat 20.00î de Cem ê Jûyiyî virajîna. Mavêna Cem û panelî de goşdarîkerdişê muzîk esta. Hunermend Sena Dersimî û Yildiz Aslan dê klamanê (lawik) xo pêşkeş bikerê. 

Roja 11î de Festîval bi Panelê ‘Şiyayiş ra na het kultirê Dersim de rolê cenîyan’ destci kena. Panelo ke seat 11.00î de bi moderatorîya Sûltan Aka destci keno de aktivîsta cenîyan Ozlem Kirmizitoprak, Azaya Meclîsê Partî yê HDP Edîbe Şahîn û sosyolog Ozlem Ûç dê qisey bikerê. 

 

Sehne de bernameyeke dewlemend

Badê panelî bernameyê sehne destpa keno. Hemşaredarê Dersim û qezayanê ci, mayê haştî, parlamenterê HDP û temsîlkarê sazgeh û rêxistinanê Dersim ra pîya xêlê sîyasetmedarî dê festîval de mesajanê xo bidê. Zey qiseykerdox û meymanê erjaye Hemseroka HDP Fîgen Yuksekdag, Parlamenterê HDP yê Dersim Alîcan Onlu, Hemşaredarê Dersim û qezayanê ci Nûrhayat Altûn, F. Mehmet Macoglû, Tekîn Turkel, Muslim Tosûn, Cafer Kirmiziçîçek, hemşaredarê Dep Bûrhan Kocaman, Hemserokê FEDA Erdogan Yalgin, Serokê ADEF Mûharrem Erdogan, Serokê DEDEF Ahmet Balkis, Hemseroka NAV-DEM Fatoş Goksûngûr, Temsîlkarê Partîyanê Alman ûzb. xêlê kes hetê Komîteyê Hadreyîn silayînê festîval bî.  Bernameyê Festîval de herzewbîn 19 hunermend û komê muzîkî yê namedar kî dê sehne bigîrê û klamanê xo bi mesaj û waştenanê tewrbîyayoxan bikerê jû. 

 

Motîfê Dersim 

Hunermend û komê ke tewrê festîval benê nîya yê: Grûp Bajar,  Grûp Mûnzûr,  Ayfer Duzdaş, Hozan Comert, Şengul Pak, Hozan Serdar,  Ozlem Baglayan, Veysel Aydin,  Zelal Cengîzhan, Volkan Yagan, Alî Haydar Can, Huseyîn Guneş, Levent Ozdemîr, Dîlan&Erkan û Alî Haydar Yildiz.  Şaîr Fetîh Koç, Îbrahîm Kilavuz û Erhan Beyazşahîn kê îye dê şiîranê xo biwanê.  Herzewbîn kaya ‘Varvara’ kî bernameyê festîval der a.  Erjê Dersim Jîyarê alewî, Senatê destî yê sûk, kultir û gelenegê Dersim kî dê bîrê damûsnayen. Standê werdiş, kincê motîf û renganê Dersim dê ronîyê.Seweta domanan kî hadreyînê kay û şahînî yenê ramiten.

Komîteyê hadreyîn veng da hometî ke yê ke teberê Frankfûrt der ê seweta wesayîtê ameyişê festîval serpirodayişê Navendê Civaka Demokratîk yê Kurd û ADEF bikerê. 

 

‘Bîrê ma Dersim bidê cuwyayen’ 

Komîteyê Hadreyîn yê Festîval vist vîrî ke serva ke di rojî emekdar, cenî, genc yê ke zerrî dayê Dersim rê Dersim bidê cuwyayen îye dê xîzmet bikerê. Komîteyî veng da herkesî ke tewrê festîval bibê û nîya va: “Ma pêrokîn kesan eve kincê xo yê gelerî û renganê xo silayînê festîval kenime. Veng danime pêrokîn Dersimij û dostanê ci yê ke Awrûpa de cuwyenê tewrê festîval bibê. Bîrê ma Dersim, zon û kultirê ci, îtiqat û rengînîya ci pêro pîya bidime cuwyayen. 

Festîval adresê Rebstockpark Am Römerhof 9, 60486 Frankfurt de virazîyena.   

(Politika)

Bu haber 1124 kere okundu
  • Bu haberi paylaşın:
UYARI: Konuyla ilgisi bulunmayan, hakaret içeren cümleler veya imalar, inançlara saldırı, şiddete teşvik ve tamamı büyük harfle yazılan yorumlar onaylanmamaktadır.
Kategorisindeki Diğer Haberler
Daimi Doğan nusna: “Dersîm de îtîqat be zon jûvînî ra pêrabestî yê. Vajîm..