Lütfen bekleyin..
Munzur Haber / 8ê Marti Düna De Roca Cêniyanê Emegdaro

8ê Marti Düna De Roca Cêniyanê Emegdaro

23 Mart 2018, 20:20

''8ê Marti şên u bımbarek bo. Düna sero çıqa ke cêniyê emegdari estê, inon rê sılam bo!''

Düna de cêniyê emegdari zafi. Hem sistemo kapatalist hem ki cüamêrdi cêniyo rê alaqutare nêvanê. Cêniy roc be roc seba heqonê xo isyan vecenê. Restê xo ancenê; hem sistemi rê hem ki zulmê cüamêrdo rê.

Zor u zerpe her ca de cêniyo ser esto. Çıqa ke cüamêrdi seba heqa cêniyo qeşi bıkerê, eke jü cênıkı bena feministı, a sırı qı raji nêbenê.

Fekê xo cêniyo rê “heq heq” vano, hama tabiatê xo qı guvan nêdano.

Cêniy cüamêrdo ra gırêdae niyê. Fıkrê xo, aqılê xo u vizdanê xo xosero.

Fıkrê xo’ê düna hetê cüamêrdon ra salıx nêbenê.

Xora, cêniyi ke hadarê her çiyê xo’ê, inon ra umıd esto. Coka, ino gucê xo, enerciya xo u iradê xo kesıf kerdo. Ayra ina endi zê çıla bımbareke roşti danê dormê xo.

İna rae vecenê roştiye. İna pheşti sanenê cêniyonê bino. İna çerxê düna raşti kenê kı pey ra kam êno, va ina raa xo vindi mekerê, keşi rê kole mebê.

Her dewrê düna de, xeylê cêniyo seba heqa cênıko ser esto xo ver. Hama cüamêrdi namê i cênıko est pê goso.

Se kerê heqsıjiye!

Roca wayirê heqona, her kes heqa xo rê wayir veciyo u vengê xo wadaro verbe heqsıjiye.

Eke vengê xo nêdarenê we, a sıre na koliyine zaf zêde dewam kena sona. Ekı cêniy raa weşiye/ rayberine gênê xo dest, a sıre pey ra kam êno, raa raşti ra sono, sır beno.

Nıka dormê xo ro sêr kenime, cêniy oncinê zerrê xo. Tersenê, vengê xo roc be roc nêvecenê, vengê xo danê waro. Her roc cêni benê qurbanê cinayeton; ya mêrdê xo kiseno ya ki bıraê xo be piyê xu’ya kisenê. E, nıka cêniy na welat de ni xebero eşinê pê ya ki televizyon u interneti kenê eskera. Nafa cêniyê bini ke tersenê.

Dewlete vırniya kistena cêniyo nêgêna. Qe xo rê qısawete ki nêkena. Tı vanê ke, canê ni cênıko çino u qulê Heqi niyê.. Her serre cêniy na qomê ma de mırenê. Cüamêrdi ecelê ni cêniyon benê. Na dewlete de halê cênıko hal niyo. Ayra cêniy be xo weşiya xo rê wayir veciyê; nay rê mecburi. Coka nay ra ber rae çina. Zuzağo koro. Hem vanê, ‘cenet bınê lıngonê mao dero’ hem ki heni retin’a sonê, cênıko kisenê. Caro çiyo nanên qebul beno? Ya Heq!

Düna dı cênıkê hewli morden’a neqeydinê. Ni cêniy terix de rêçê de xo verday. Hele iyê ke seba nonê xo fabırkon de gurinê, heqa ino arde jüan ser. Sıfte terix de nustoğ u mudafekara heqa cêniyo Flora

Tristan şiya derd u khulanê cênıkanê karkero ser anket nusno u kıtab veto. Hama cüamêrdo vırniya Flora bırrnê.

Her roc düna vurina. E, na vuriyais xo de taê çi ki vurneno. Sıfte mezgê isani vurino. İsan çımê xo keno ya. Hem rındiye ser hem ke kotiyine (xırabine) ser insan tabiatê xo ra vışino ra.

Cêniyê ke ênê xo ser u gınenê heqonê xo ro, vanê, “ma cüamêrdo ra têdüs rayme. Heqi ma nêardime dina ke xorê domano biarime, ma maa xo ra nêgınayme waro.

Ma hem domano anime düna hem ki senate, edebiyat u resm ki vırazenime. Ma ki qulê heqime” vanê. Cüamêrdi va nınge meercê cêniyo ver. Cêniy na düna çarnenê gul u gulıstan.

Eke cüamêrdi herbo nejdi de nêqedênenê, iste düna a sıre bena tıngı o tari. Ayra “herb nêwazenim”.

Waxto ke terix de cêniyo hukmê xo ramıto, o waxt qe herb nêbiyo u qe isani pê tıfangon nêkişiyê. Xora şiyê awe, a sıre ya dar o ber ra ya ki kemer – kuç ra gınê waro. Qe herb ra nêmerdê.

Hetê mêrdo ra kistena cêniyo xızê xo nêbırrneno. Na durım rê jü tedbir nêgênê. Na sebeb ra kokê cêniyo êno, neslê xo bırrino.

8ê Marti de vengê xo heni vecê ke asmên bilam çhırr bo. Diktatori vengê cênıko ra aciz benê. Va bıbo. “Nêbo nêbo, nina benê xoser”!

8ê Marti de düna rê haştiye, weşiye u rındiye biaro ke nay ra tepia sar wertê retiye de weşiya xo bıramo. Cêniy zav-zêçê xo terson’a gırs mekerê. Herb ra kes kare nêveceno. Gereko ke her isan jü kemere bıgêro, seba haştiye rono.

Cêniyo xırabiye de bas nêkerdo, tıfang gureto xo dest, viria xo u anorê xo seveknenê. Owo ke roê cênıko nazıko, zaf rew khul gêno.Tıfangi qe êmisê cı nêbeno. İna direga zerrê kêyiyê.

Cêniy raa u rêça itıqatiê!

Ewro mêrıki werdene pocenê, makinon’a kınconê xo şünê.Vanê, “ma cêniyo rê luzım nêvênime.” Qe nêvanê, her çi-mi ma inon ra musayme.

8ê Marti şên u bımbarek bo. Düna sero çıqa ke cêniyê emegdari estê, inon rê sılam bo!

Qızıl/Şür

Bahar Nare Kızıl / DersimGazetesi

Bu haber 165 kere okundu
  • Bu haberi paylaşın:
UYARI: Konuyla ilgisi bulunmayan, hakaret içeren cümleler veya imalar, inançlara saldırı, şiddete teşvik ve tamamı büyük harfle yazılan yorumlar onaylanmamaktadır.
Kategorisindeki Diğer Haberler
Bira ma re xo name ke? Namê to çiko? Kamjî dewe ra wa? Kamjî sarî ra wa?..