Lütfen bekleyin..
Munzur Haber / Hêgayê şarî roşîyenî dewlemendan

Hêgayê şarî roşîyenî dewlemendan

19 Şubat 2018, 19:36

Qezaya Pulurî ya Dêrsimî de 3 erazîyê girdî ke aydê xezna bî, hetê Emlakê Milî ra bi îhale seba 49 serran pêşkêşê tayê kesan ame kerdiş. Labelê seke yeno zanayîş, tena nê 3 cayî nê, heta nika bi desan erazîyê girdî roşîyayî, kesanê winasîyan.

HUSEYÎN YAŞAR SEZGÎN / PÎRHA / DÊRSIM

Qezaya Pulurî ya Dêrsimî de 3 erazîyê girdî ke aydê xezna bî, hetê Emlakê Milî ra bi îhale seba 49 serran pêşkêşê tayê kesan ame kerdiş. Labelê seke yeno zanayîş, tena nê 3 cayî nê, heta nika bi desan erazîyê girdî roşîyayî, kesanê winasîyan. 

Babete ser o Serekê Şaredarîya Pulurî Fatîh Mehmet Maçogluyî qisey kerd. Maçogluyî va ‘deşta Pulurî deşta 8. ya girde ameybî weçînayîş û wina dewam kerd: “Erazîyê ke aydê Emlako Milî yî, roşîyenî kesê ke pereyê înan zaf î rê. Nê erazîyî herinda ke bidîyî şarî, dîyenî kesê zengînî û yê teberî rê. Ma nêyî raşt nêvînenî. Nê cayê ke roşîyayî de dostê ma yê ke karê zîretî kenî, estî. Siba do nê kesî êdî nêşênbî zîret bikerî.”

Maçogluyî dewamê qiseykerdişê xo de wina va: “Na neheqî şarî ra yena nimitiş û çi heyf ke zafaneyê kesan nêyî nêvîneno. Ma hewl danî mudaxale bikerî, labelê Emlako Milî qerarê ma cîdî nêgêno. Ma hewl danî heme merdimanê nê welatî rê xebate bikerî. Proseso peyên de tena nê hîrê erazîyî nê, bi desan erazîyî ameyî rotiş. Bedelê nê erazîyan berz yeno tepiştiş ke wa welatîyî nêşênbî biherînî. Nika cayê ke ameyî rotiş 500 pulurijî zî bêrî têhet nêşênî biherînî. No goreyê ruhê talanî yê kapîtalîzmî yeno kerdiş. Cayê feqîran roşîyenî û no raşt nîyo.”

Bu haber 189 kere okundu
  • Bu haberi paylaşın:
UYARI: Konuyla ilgisi bulunmayan, hakaret içeren cümleler veya imalar, inançlara saldırı, şiddete teşvik ve tamamı büyük harfle yazılan yorumlar onaylanmamaktadır.
Kategorisindeki Diğer Haberler
Bira ma re xo name ke? Namê to çiko? Kamjî dewe ra wa? Kamjî sarî ra wa?..