Lütfen bekleyin..
Munzur Haber / Wa Roşanê Êzî seba heme merdimîye pîroz bo

Wa Roşanê Êzî seba heme merdimîye pîroz bo

15 Aralık 2017, 18:39

Hemserekîya Konseyê Caardişî yê KCKyî, KNK, PADÊ û KCDK-Eye derheqê Roşanê Êzîye de îzehet dayî. KCKyî roşanê êzidîyan pîroz kerd û wina va: “Nika ra pey seba ke şarê ma yê êzidî bişînbo Êzidîxano Xoser de roşananê xo pîroz bikero, çi destê ma ra bêro, ma do bikerî.”

Her serre 15ê Kanûne sey Roşanê Êzîye yeno pîrozkerdiş. Her serre 12ê Kanûne de êzidîyê 3 rojî roje gênî û peynîya 3 roşan de 15ê Kanûne de zî Roşanê Êzî pîroz kenî. Babete ser o dezgeyê Hemserekîya Konseyê Caardişî yê KCKyî, Kongreya Neteweyî ya Kurdistanî (KNK), Partîya Azadî û Demokratîke ya 

Hemserekîya Konseyê Caardişî yê KCKyî mesajêk weşênaye û wina va: “Ma roşanê şarê xo yê êzidî pîroz kenî û ma hêvî kenî ke şarê ma do nika ra pey roşananê xo Êzidîxano xoser de pîroz bikero. Şarê ma bi hezar serran o ke bi pîrozkerdişê nê roşanan estena xo paweno û erjanê merdimîye xelq kerdo. Cok ra nê roşanî tena seba êzidîyan nê, seba heme merdimîye muhîm î.”

KCKyî dewamê îzehetê xo de bale anto fermanê ke vera êzidîyan de ameyî dayîş ser û wina vato: “Êzidîyê 3ê tebaxa 2014î de raştê Fermano 74. ameyî. Labelê gerîlayê ma bi 12 fedaîyê xo çeteyan vindarnayî û qirkerdiş asteng kerdî. Bi no hawa heme merdimîye rîsiyatîye ra xelisîya. Rayber Apoyî hertim seba cuya azade ya êzidîyan hewl dayo û seba wayîrvejîyayîşê êzidîyan talîmat dayo. No hesasîyetê Rayber Apoyî seba gerîlayanê ma sey emir o. Nika ra pey seba ke şarê ma yê êzidî bişînbo Êzidîxan de roşananê xo pîroz bikero, çi destê ma ra bêro, ma do bikerî. Ma do hertim têkoşînê êzidîyan de hetê înan de bibî. Ma na çarçewa de roşanê şarê xo yê êzidî pîroz kenî û ma hêvî kenî ke wa roşananê xo welatêko azade de pîroz bikerî.” 

 

Ma roşanê êzidîyan bierje vînenî

KNKyî îzehetê xo de wina va: “Ma Roşanê Êzî sere de seba şarê êzidî û heme şarê Kurdistanî rê pîroz kenî. Cayê roşanî heme komelan de pîroz o, Roşanê Êzî zî wayîrê cayêko muhîm o. Şarî roşanan de tarîx û estena xo vînenî. Şarê êzidî ewro vera qetlîyaman de seba azadîye têkoşîn dano. Ma prosesêko tarîxî de roşanê êzidîyan de bierje vînenî. Seba ke şarê êzidî wayîrê nê erj û roşananê xo vejîyeno, muhîm o.”

PADÊye zî îzehetê xo de vato ‘ma roşanî seba heme êzidîyê ke çar parçeyanê Kurdistanî, Iraq, dinya, Rayber Apo û heme keyeyanê şehîdan pîroz kenî’ û wina dewam kerd: “Ma sey PADÊye soz danî ke têkoşînê xo hîna berz bikerî. Heme hewldayîşê ma do seba êzidîyan bibo. Ma do vera heme şaşîyê ke şarê ma rê benî de bivinderî. Ma veng danî heme cinî û camêrdan ke wezîfeyê xo bîyarî ca û beşdarê YBŞ û YJŞyî bibî.”

 

Ma xoverdayîşê xo gird bikerî

Dîvanê Hemserekîya KCDK-Eye zî îzehetêk da û wina va: “Rojê neteweyî û yê bawerî yê heme şaranê dinya, qaso ke hetê înan yê felsefî û tarîxî estî, hende zî seba yewîye û rexistinebîyayîşî zî muhîm î. Eke kurdê êzidîyî yewîye û rêxistinbîyayîşê xo xurt bikerî, o wext do azadîye zî nêzik bibo. Ma hêvî kenî ke Roşanê Êzî wa bibo roja pawitişê yewîye û nasnameyê xo. Ma bi na wesîle yewîye û rêxistinîya xo xurt bikerî û Roşanê Êzîye yê Êzidîxano Xoserî pîroz bikerî. Wa Roşanê Êzî heme kurdanê êzidî, şarê Kurdistan û merdimîye rê pîroz bo. Ma hêvî kenî ke wa heme merdimîye rê azadî û seyyewbînanîye bîyaro.” 

Politika

Bu haber 212 kere okundu
  • Bu haberi paylaşın:
UYARI: Konuyla ilgisi bulunmayan, hakaret içeren cümleler veya imalar, inançlara saldırı, şiddete teşvik ve tamamı büyük harfle yazılan yorumlar onaylanmamaktadır.
Kategorisindeki Diğer Haberler
Bira ma re xo name ke? Namê to çiko? Kamjî dewe ra wa? Kamjî sarî ra wa?..