Lütfen bekleyin..
Munzur Haber / Ê do zerrîya herkesî de bicuyî

Ê do zerrîya herkesî de bicuyî

23 Kasım 2017, 19:07

PAJKî, seba ke şehîdanê Bestayî yad bikero, îzehetêko nuştekî da. PAJKî îzehetê xo de wina va: “Ma keye û şarê xo rê serweşî wazenî û ma zanî ke ê do zerrîya bi mîlyonan de bicuyî”

Koordînasyonê Partîya Azadîya Cinîyanê Kurdistanî PAJKî derheqê şehîdanê Bestayî de îzehetêko nuştekî da. PAJKî îzehetê xo de vato ‘Serra 40. ya partîya ma de ma zaf nizdîyê serkewtişî yî’ û wina dewam kerdo: “Xoverdayîşê destanî û têkoşînê ma yo azadî saya şehîdanê ma de yo. Awanbîyayîşê partîye de têkoşînê ma yo ke bi Sarayan dest pêkerd, ewro bi mîlyonan cinîyê kurd û yê Rojhelato Mîyanênî resayo dûştê artêşbîyayîşî. No têkoşîn de tewr peynî embazê ma Delal Amede û Aze û 13 embazê bînî bi hawayo qehreman şer kerdî û şehîd kewtî. Ma vera vîrardişanê înan de bi rêzdarî vileyê xo çewt kenî.” 

PAJKî dewamê îzehetê xo de bale anto nê xusûsan ser: “Şerê dagîrkerîye bi heme şîddetê xo ser cinîyê kurd, Kurdistan û Rojhelato Mîyanên de dewam keno. Embazê ma yê ke vera dagîrkerîye de Besta de, Colemêrg de û heme cayanê Kurdistanî de şer kerdî, abîdeyê azadîye yî. Embaze Delal Amede hem fermandarîya YJA-Starî û Caardişê PAJKî de zî ca girewto. Şexsê xo de temsîlîyetê fedaîtî kerdo. Heta ewro heme berpirsîyarîyan bêkêmanî ardo ca. Beşdarbîyayîşê xo ra nata rêxistinekerdiş, hîrakerdiş û averberdişê artêşa cinîye de bîya wayîrê kedêka girde. Tewr peynî bi hawayo Fermandarîya Sehaya Botanî û Berpirsîyara PAJKî şîya Botan. Nê şehadetî seba partîya ma çîyêko zehmetin o, cok ra ma do bi hawayo fedaîtî cewab bidî înan û nasnameyê cinîya azade awan bikerî.”

 

Aze zî aşiqê azadîye bîye

PAJKî îzehetê xo de qala Fermandar Aze Malazgîrte zî kerdo û wina vato: “Fermandara Eyaletê Colemêrgî Aze Malazgîrte aşiqê ko û azadîye bîye. Wezîfeyê partîye qet cîya nêkerdêne û bi berpirsîyarîyêka girde kerdêne. Embaze Aze wayîrê kedêka girde bîye û Eyaletê Colemêrgî de vera dişmen û kehenperestî de têkoşînêko gird daye.  Embaze Aze wezîfeyê xo yê îdeolojîk, leşkerî û sewbîna bi layîqî arde ca. Azeye zanayêne ke karê partîye karê zerrîye yo, cok ra bi zerrîye ra kar kerdêne. Herçiqas ke emrê aye mîyanê têkoşînê YJA Starî de derbaz bî, labelê reyna zî heyecanê roja sifteyîne cuyayêne. Embaze Aze bi kedêka girde, waştiş û zerrîwaştoxî beşdarê partîye bîyî.” 

 

Ma do qîrayîşê înan bidî cuyayîş

PAJKî peynîya îzehetê xo de wina vato: “11 embazê bînî ke Delale û Azeye reyde şehîd kewtî, bawerîya xo eştî orte û resayî şehadet. Ma keye û şarê xo rê serweşî wazenî û ma zanî ke ê do zerrîya bi mîlyonan de bicuyî. Ma do bawerîya înan ya azadîye, qerardarî û xoverdayîşê înan, cuye, tarzê şerkerdişî û girêdayeyîya înan yê embazîye bidî cuyayîş. Cinîya ke bena fedaî temînatê azadîye ya û ganî ma wayîrê wezîfeyê xo bivejyî. Ma no het de sozê xo dibare kenî.” 

Heto bîn ra Komalê Ciwan û Komalê Cinîyê Ciwanan zî derheqê şehîdê Bestayî de îzehetêk dayî. Her di dezgeyan zî îzehetê xo de dîyar kerdî ke ê do têkoşînê Delal Amede, Aze Malazgîrte û şehîdê bînî yê Bestayî berz bikerî û hesabê ci dewleta tirkî ra bipersî.” 

 

 ANF/BEHDÎNAN  

Bu haber 611 kere okundu
  • Bu haberi paylaşın:
UYARI: Konuyla ilgisi bulunmayan, hakaret içeren cümleler veya imalar, inançlara saldırı, şiddete teşvik ve tamamı büyük harfle yazılan yorumlar onaylanmamaktadır.
Kategorisindeki Diğer Haberler
Daimi Doğan nusna: “Dersîm de îtîqat be zon jûvînî ra pêrabestî yê. Vajîm..