Lütfen bekleyin.. Lütfen bekleyin..
Kongreya Demokratîke ya Şaran (HDK) do mabênê tarîxanê 10 û 12ê Teşrîna peyêne de bi nameyê Kapîtal ra heta Şorişê Teşrîna verêne, Şorişê Teşrîna verêne ra heta Şorişan’ sempozyumêk bivirazo. Sempzyum do Otela Elîte Worldî de bêro viraştiş.
Akademîsyenê Tirkîya û yê namedarî yê Ewropa û Federasyonê Sûrîyeya Demokratîke do beşdarê sempozyumî bibî. Derheqê sempozyumî de Hemverfekê HDKyî Prof. Dr. Onur Hamzaogluyî qisey kerd.
Hamzaogluyî dîyar kerd ke ser nê erdî de şoriş hîna hêvîyêka rojane û ganî ya û wina va: “No proseso ke tede OHAL esto û zextî zêde yî de lazimîya ma bi ganîkerdişê hêvîyan esta. Seba mi û embazanê mi nê erdan ser o hêvîyî ganî û rojane yî. Ma zî wazenî nê hêvîyan ganî bikerî û vila bikerî. Seba şiknayîşê zextan ganî hêvîyî ganî bibî.”
Ma do her hetî ra munaqeşe bikerî
Hamzaogluyî dewamê qiseykerdişê xo de bale ant ser muhtewaya sempozyumî ser û wina dewam kerd: “Sempozyum do bi babeta ‘Kapîtal’ dest pê bikero. Çimkî ganî kapîtal reyna çiman ver ra bêro derbazkerdiş. Çîyê ke ma kapîtal de nêdîyî, estî an nê? Yê ke ma vînenî, ma senî şinase kenî? Şorişê Teşrîna verêne yê Sinifa karkeran ke rayberîya Lenînî de amebî viraştiş, Kapîtalê Marksî yo. Cok ra ma Kapîtal ra dest pêkenî. Ma do Şorişê Teşrîna verêne her hetî ra munaqeşe bikerî. Ma do Materyalîzmo tarîxî yê dîyalektîk ser o qisey bikerî.”
Vera ma şorişo sosyalîst de ya
Hamzaogluyî qiseykerdişê xo de bale ant şorişanê dinya ser û wina dewam kerd: “Ma do sempozyum de şorişê Zapata, Venezuela, Federasyonê Vakurî yê Sûrîye, Hîndistan, Fîlîpîn û xeylê şorişanê bînan ser o qisey bikerî. Wexto ke ma ser nê şorişan de qisey bikerî, yê ke mîyanê nê şorişan de cayê xo girewtî, qisey bikerî. Şorişê Teşrîna verêne seba heme çep û sosyalîstan zaf muhîm o. HDKyî wezîfeyêko muhîm girewto milê xo ser. Şima hetê ma yê kurdîtî, tirkîtî, rûmîtî, ermenîtî û kamcîn hetê ma gênî, bigîrê vera ma tim ver bi sosyalîzmî de ya. Ma verê xo dayo şorişê sosyalîstî yê Tirkîya.”
Hamzaogluyî peynîya qiseykerdişê xo de va ‘ma do derheqê şorişan de sergîya fotografan biakerî û wa heme sosyalîst û çepgirî beşdarê sempozyumî bibî’.
MA/STENBOL
