Lütfen bekleyin..
Munzur Haber / ‘Dostî hetkarî danê dostan’

‘Dostî hetkarî danê dostan’

13 Ağustos 2017, 09:39

Aktîvîsta ‘Komela Dostî Hetkarî Danê Dostan’ Aygul Aras dazanayîş ke xoverdayîşê cinîyan yê Cizîr û Kobanê sîstemî tersna û aşkere kerd ke têkoşînê cinîyan heyatî û meşrû yo.

MELÎKE AYDIN/ŞÛJIN/DERSIM

Komela Dostî Hetkarî Danê Dostan’ badê zelzeleyê (erdlerz) 23’ê Cotmeha 2011î yê Wanî, sûka Almanya Stuttgart de ronîya. Komel Wan ra dima zî hetkarî da Kobanê, Cizîr, Şirnex, Sûr û Farqîne. Aktîvîsta Komele Aygul Aras ke seba cigêrayîşî şî sûka xo Dersim, derheqê xebatanê xo de muşahedeyê xo ardî ser ziwan. Aras aşkere kerd ke xoverdayîşê cinîyan yê Rojhelato Mîyanênî û yê Kurdistane îqtîdaran tersneno û bi no sebebî ra zî qirkerdişê cinîyan rojdem de yo. 

‘Cinîyê Şengalijî Tirkîya de hesîr ê’

Aygul Aras hayr ant Şengalijê ke mecbûr mendî ke qirkerdişê 3’ê Tebaxa 2014î yê DAÎŞî ra dima koçê Tirkîya bikerê ser û vist vîrî ke cinîyê Şengalijî Tirkîya de muameleyê hesîrtî vînenê. Aras dîyar kerd ke cinî nêşkenê teba vajê û va: “Xo ra ewnayîşê çimandê înan ra kes şeno hîs û fehm bikero ke înan çi ciwîyayo. 

‘Qirkerdişê cinîyan yê 38î Cizîr de dewam keno’

Aktîvîsta cinî Aygul Aras muamele yo ke cinîyê Cizîr bin ablûqa de rî bi rî mendî dişibna çîyê ke cinîyanê Dersim 1938î de ciwîyay û wina va: “Cizîr de badê qirkerdiş eştî keyeyan ser û tecawizê cinîyan kerdî. Cinîyan rîwalê naye xo eştî çemê Cizîr. Goreyê mi çîyo ke nika Cizîr de qewimyeno qirkerdişê cinîyan o. Xeylêk camêrdî ya ameyê kiştiş ya zî girotxaneyan de yê. 

 

‘Cizîr de cinî xover danê’

Aras vist vîrî ke şeran (herb) de tewr vêşêr zî cinî û domanî tesîr benê, herzewbîn tewr vêşêr zî cinî û domanî raştê şîdet û sereştişan yenê û  dîyar kerd ke rîwalê naye têkoşînê cinîyan heyatî û meşrû yo. Aygul Aras aşkere kerd ke Cizîr de cinî vera şerî xover danê û wina va: “Wexto ke mi bi cinîyan ra qisey kerd, rixmê hendayî dej û janan mi rê vatî, ’Nê ma dê tîyayî terk nêkerê. Ma dê tîya de xover bidê, tîya hardê ma yo. Tîya de merdeyê ma amey kiştiş. Cêrzemînan de însanê ma amey qetilkerdiş.’ Yanî Cizîr de yew xoverdayîşê pîl yê cinîyan esto. Û nayî ra çîyo ke îdareyê Tirkîya terseno zî no yo.”

 

‘Ganî şarê Cizîr tenya nîro verdayene’

Aktîvîsta Komela Dostî Hetkarî Danê Dostan’ Aygul Aras vist vîrî ke seba Cizîr hetkarîya madî ra wet hetkarîya manewî hewce keno. Aras va, “Şîyayîşê ê malbatan het, înan xoverarekerdiş, hîsê ‘şima tenya nîyê’ dayîş zaf muhîm o. Mi rê pers kenê û vanê, ‘ti nêtersena?’ Eke însanê ke ewja de ciwîyenê nêtersenê se, ez zî nêtersena. Hendayî însanê ke tîya de merdî ma însan nîyê? Yew canê mi esto, eke şino se wa înan rê feda bo.”

Aras tewr peynî de veng da kesê ke hemverê sîstemî de yê û leyê cinîyan de ca gênê, bi girseyî bîrê zîyaretan û hetkarî bidê.”

Bu haber 679 kere okundu
  • Bu haberi paylaşın:
UYARI: Konuyla ilgisi bulunmayan, hakaret içeren cümleler veya imalar, inançlara saldırı, şiddete teşvik ve tamamı büyük harfle yazılan yorumlar onaylanmamaktadır.
Kategorisindeki Diğer Haberler
Daimi Doğan nusna: “Dersîm de îtîqat be zon jûvînî ra pêrabestî yê. Vajîm..