Lütfen bekleyin..
Munzur Haber / ‘No zilm do biqedîyo’

‘No zilm do biqedîyo’

10 Temmuz 2017, 20:18

DBP bi viraştişê Kongreyê xo yê 4îne startê dewrê newî zî da. Kongre de vera faşîzm mesajê berzkerdişê têkoşîn ame dayen. Sehabat Tuncel û Mehmet Aslan zey Hemserokê newî yê DBP amey weçînayîş.

DBP ya ke Hemseroka ci Sebahat Tûncel, 72 hemşaredarê ci, 4 hezar endam û îdarekarê ci tepişte yê, vizêr seba Kongreya xo ya 4îne bi slogana “Bi civakê zana ver bi ameyoxa azad” Anqara de are bi. 

140 delegeyan ra pîya, bi desan meymanî tewrê Kongre bî. Îdarekaranê DBP ra pîya, malbatê şehîdan û temsîlkarê ÎHD, KESK, EGÎTÎM SEN û yê saziyê civaka sivîl tewr bî. Sûkanê Kurdistan ke xoverdayîşê xorayverîyê xoser virazîya ra delegeyî bi kincanê xo yê neteweyî Kongre de cayê xo girotî. Peynîyê Kongre de Sehabat Tuncel û Mehmet Aslan zey Hemserokê newî yê DBP amey weçînayîş. Herzewbîn seba Meclîsê Partî 40 kesî amey weçînayîş. 

Kongre bi qiseyê akerdeyê, wendişê rapor, qiseyê meyman û delegeyan û bi weçînayîşî ravêrîya.

Çareserî Konfederalîzmê Demokratîk o

Hemseroka BDP ya tepişteyî Sebahat Tuncel seba Kongre girotxane ra mesajek ruşna. Tuncel mesaja xo de aşkere kerd ke seba ke her ca de ciwîyayîşî azad ronê û ameyoxêka bi haştîyane ronê, Kongre yew  destpêkerdişêko. Tuncel aşkere kerd ke seba ameyoxê şaranê Rojhelatê Mîyanî modelê Konfederalîzmê Demokratîk ke Ocalanî vernîyaz kerd, êşkena bibo çareser. 

Şarê kurd rind zano ke kam terorîst o 

Hemseroka Kongreya Civaka Demokratîk (KCD) Leyla Guven ke tewrê Kongre bî, vatişanê Erdoganî ke Zîrveya G20’î de seba Demîrtaş vatibe ‘Tetorîst’ rê nêrazîbîyayîş damûsna. Guven hayr ant kesê ke bi fermanê AKP amey qetilkerdiş ser û wina va: “Terorîst kesê ke dayika Taybet qetilkerdî û kuçe de ternay ra yeno vatiş. Terorîst ê kesê ke Roboskê de 34 kesan qetilkerdî rê, Cizîr de însanan cêrzemînan de veşnay rê yeno vatiş. Şarê kurd rind zano ke kam terorîst o.” 

‘No zilm do biqedîyo’

Hemverfeka Kongreya Demokratîk ê Şaran (HDK) Gulîstan Koçyîgît zî vist vîrî ke no zilm do rojekê biqedîyo û wina va: “AKP bekçitîya sîstemeke pûçî kena. Kurdî mavêna şaran de pêgirewtişî virazenê. Bîyê estareyê seserre yê Rojhelata Mîyanên. Na têkoşîn do rew yan zî berey ma biresno serkewtişî. Ma zanê ke xoverdayîş beno serkewtişî.”

 

‘Kam terorîst o,  do tarîx terorîstiya ci binuso 

Hemseroka Pêroyî yê HDP Serpîl Kemalbay zî vist vîrî ke DBP hedefê hêrîşan de yo û têkoşînêka gird ê demokrasî dana. Kemalbay aşkere kerd ka na têkoşîn do şarî biresno ameyoxî. 

Kemalbay zî vatişanê Erdoganî yê ‘terorîst’î rê nêrazîbîyayîş damûsna û wina va: “Kam terorîst o, do hetê tarîxî ra bîro nuştiş. Do hesabê Şirnex, Cizîr, Gever û pêro sûkan teqez bîro persayîş. 

‘Vera faşizmî, şarî rêxistin bikerîme’

Seba Kongre jû mesaj jî Hemserokê Pêroyî yê HDP Selahattîn Demîrtaşî ra amê.  Demirtaşî mesaja xo de ard ziwan ke her ca de girdkerdişê xoverdayîşê vera faşizmî, bi rêxistinbîyayîşê şarî mumkun o. Demîrtaşî vist vîrî ke no zî bi perwerde û xorîkerdişê îdeolojî ra mumkun o. 

Yardimkara DBP Gulcîhan Şîmşek zî ard ziwan ke tecrîdê ser Ocalanî, tecrîdê ser Çareserîya Demokratîk o.  

DÎHABER/ANQARA

Bu haber 525 kere okundu
  • Bu haberi paylaşın:
UYARI: Konuyla ilgisi bulunmayan, hakaret içeren cümleler veya imalar, inançlara saldırı, şiddete teşvik ve tamamı büyük harfle yazılan yorumlar onaylanmamaktadır.
Kategorisindeki Diğer Haberler
Daimi Doğan nusna: “Dersîm de îtîqat be zon jûvînî ra pêrabestî yê. Vajîm..