Lütfen bekleyin..
Munzur Haber / Dersim û Çewlig de va yê 8ê Adare

Dersim û Çewlig de va yê 8ê Adare

10 Mart 2016, 18:07

Sûkanê Kurdistan de nûmayişê bimbarekînê 8ê Adar ramenê. Dersim, Çewlig û Semsûr ra piya bi desan sûkan de cenîyan waştenê azadî berz kerdî.

Cenî tarîx nusnenê

Qezaya Dersim Pilûr de azayanê Platformê ceniyan jû rayşiyîneke bi meşaleyî viraşt û damûstayîn day çapemenî. Ceniyan panqarta “Dûştê kolonyalîzm, qetlîam, şîdeta camêrd-dewlet qiseyê ma û qûwetê ma yê xoverdayiş esto’ akerdî û resîmê cemiyê ke amey qetilkerden hewaday. Ceniyê ke heta Meydanê Pilûr rayşî bi kincanê xo yê neteweyî reng day nûmayiş. 

Azaya Platformê Ceniyan Işil Işik qisey kerd û da zonayen ke, tekoşînê ceniyan tekoşînê şoreşî yo. Işik hayr ant xoverdayişê Cizîr, Sûr, Nisêbîn û Dersim ser û da zonayen ke cenî bi xoverdayişî tarîx nusnenê.  Hemşaredara Dersim Nûrhayat Altûn zî hayr ant ceniyê ke tekoşînê azadî de bî sembol ser û niya va: “Sima serdestî, sima çiqe ma teşîr bikerê zî, ma dê bi sembolanê xoverdayiş, bi sereberz, verniya tekoşînê şoreşî de ca bigîrê û tarîxê serbestî binûsnê. 

Wendekarê Zangehê Dersim kî tewrê bimbarekînanê 8ê Adar bî. Ceniyan meydanê Zangehî de bi erbaneyan govend girotî û slogana ‘Cenî cuwyan azadî’ berz kerdî. Peycoy derheqê şîdetê vera ceniyan de jû kaya tiyatro ame damusnayiş. Tewr peynî de kî wendekaran rê dersê cinsîyetperestîyê civakî ame dayen. 

Zangeha Çewlig de zî bi wesîleyê 8ê Adar nûmayişek viraziya. Wendekarê Komeleya Zangeyê Çewlig ver kafeteryaya Zangehî de amey pêhet. Bi seyan wendekarî bi resîmanê 3 ceniyanê kurd, Sêvê, Pakîze û Fatma, bi slogana heta ver Fakulteyê Îktisadî ray şî. Badê rayşiyîn Dîlan Ozturk qisey kerd û hayr ant qetlîamê ke hetê dewlet viraziyenê ser û hêrsê xo damusna. 

 

 DÎHA/DERSIM/ÇEWLIG

Bu haber 790 kere okundu
  • Bu haberi paylaşın:
UYARI: Konuyla ilgisi bulunmayan, hakaret içeren cümleler veya imalar, inançlara saldırı, şiddete teşvik ve tamamı büyük harfle yazılan yorumlar onaylanmamaktadır.
Kategorisindeki Diğer Haberler
Daimi Doğan nusna: “Dersîm de îtîqat be zon jûvînî ra pêrabestî yê. Vajîm..