Lütfen bekleyin..
Munzur Haber / ‘Ganî ewil hesabê Cizîr û Sûrî bido’

‘Ganî ewil hesabê Cizîr û Sûrî bido’

25 Mart 2017, 12:09

ONLU: Seba ke şarê Dêrsimî waşt xo îdare bikero, raştê qetlîyamî ame. Sûr û Cizîr de zî şarî eynî çî waşt. Cok ra çîyê ke şar 95 serrî verê rî bi rî mendbî, ewro zî eynî çîyan reyde têrî maneno. Çimkî îtîfaqê AKP, MHP û qesre dewamê faşîzmê ê wextî yo. Sîstemo 95 serreyî ewro AKPyî xelq kerdo.

Parlamenterê HDPyî Alîcan Onluyî derheqê qiseykerdişê Serekwezîr Yildirimî yê ke Dêrsimî ser o kerdbî de wina va: “Ganî Serekwezîr hesabê Qetlîyamê Cizîr û Sûrî ke sey qirkerdişê dîyin yê Dêrsimî yî, bido”

Serekwezîr Bînalî Yildirimî bi şaro ke teber ra ardbî Dêrsim de mîtîngêk viraştbî. Yildirimî mîtîng de qisey kerdbî û qiseykerdişê xo de qala qirkerdişê Dêrsimî kerdbî û Serekê Pêroyî yê CHPyî Kiliçdarogluyî rexne kerdbî û vatbî Kiliçdaroglu têrî mendişê Qirkerdişê Dêrsimî ra terseno.Babete ser o Parlamenterê HDPyî yê Dêrsimî Alîcan Onluyî qisey kerd.

'38 roja ewroyên de zî ramenê

Parlamenter Onluyî va ‘AKP her serra îqtîdarê xo de eynî manîpulasyonan keno’ û qiseykerdişê xo wina domna: “Yildirimî raştîyê ke Dêrsim de ameybî cuyayîş ard ziwan, labelê çîyê ke 38 de Dêrsim de qewimîyayî, roja ma ya ewroyên de zî qewimîyenî. 38 de Dêrsim de merdimî şikeftan de ameybî qetilkerdiş, Sûr û Cizîr de zî merdimî cêrzemînan de yenî qetilkerdiş. Verê cû merdimî emrê înan ameyênê pîlkerdiş, ewro cenazeya Dayîka Taybete bi hewteyan erd de yena verdayîş. O wext merdimî ameyênê qetilkerdiş, ewro bebeko 35 rojî bi hewteyan dolaba cemedî de yeno vindarnayîş.”

Nêşêno cîya biko 

Onluyî dewamê qiseykerdişê xo de va ‘seba ke şarê Dêrsimî waşt xo îdare bikero, raştê qetlîyamî ame’ û wina dewam kerd: “Sûr û Cizîr de zî şarî eynî çî waşt. Cok ra çîyê ke şar 95 serrî verê rî bi rî mendbî, ewro zî eynî çîyan reyde têrî maneno. Çimkî îtîfaqê AKP, MHP û Qesre dewamê faşîzmê ê wextî yo. Sîstemo 95 serreyî ewro AKPyî xelq kerdo. Eke lazimîya ozirwaştişî bibo, ganî serekwezîr zî ozrê xo biwazo. Çimkî Serekwezîr tena bi rexnekerdişê îqtîdarê ê wextî, nêşêno xo û îqtîdarê xo teberê nê kerdişan de bitepişo. Heqê ey yê winasî çin o. Tam çepê ci de zîhnîyetê ewroyên yê îqtîdarî, dewamê zîhnîyetê 95 serran o. Cîyayîya ci çî ya; rejîmê 95 serreyî de verê cû şefêk estbî, ewro dîktatorîya kesêk esta.”

Ganî hesab bido 

Parlamenter Onluyî peynîya qiseykerdişê xo de va ‘muxatabê qiseykerdişê Serekwezîr Bînalî Yildirimî o bi xo yo’ û qiseykerdişê xo wina qedêna: “Muxatabê çî yo; muxatabê qetlîyamo ke 95 serran ra dima amey kerdiş o. Muxatabê qetlîyamo ke Cizîr û Sûr de bî yo. Eke orte de ozir waştişêk bibo, ganî seba qetlîyamê ke Cizîr û Sûr ke qetlîyamo dîyin yê Dêrsimî yo, ozir bêro waştiş. Ganî Serekwezîr hesabê serrêka nîme ya ke bin nameyê OHALî de Kurdistan û Tirkîya de qetlîyam û wehşetêk yenî kerdiş, bido.”    

 

 

DÎHABER/DÊRSIM

Bu haber 716 kere okundu
  • Bu haberi paylaşın:
UYARI: Konuyla ilgisi bulunmayan, hakaret içeren cümleler veya imalar, inançlara saldırı, şiddete teşvik ve tamamı büyük harfle yazılan yorumlar onaylanmamaktadır.
Kategorisindeki Diğer Haberler
Daimi Doğan nusna: “Dersîm de îtîqat be zon jûvînî ra pêrabestî yê. Vajîm..