Lütfen bekleyin..
Munzur Haber / 15’ce Payiza Peyenê Mare Dendariya

15’ce Payiza Peyenê Mare Dendariya

29 Kasım 2017, 18:51

Kamılone Dersım’ra Seyd Rıza, Usenê Seydi, Fındıq Ağa, Seyd Usen (Lacê Seyd Rızay) Hesenê İbrayımi, He­sen Ağa ( Lace C. Areki) Aliye Mırzali.

Tarıqe isanetiye dê taye roci estê. Ni roci texte isanetiye dê coro keşi virra nesonê. Dina dê, dı sewo ses dügeli este. Her dügelê ebê adeto tore xo gorê, rocane tengiyê, rocane hêrbi, rocane xeleşiyê coro xo virra nêkenê. Dügelê kê dewleta xo arda pêser, bıne bandorone sarira veciye, a roce tayı­nıre veyveo, bayremo, çefo reqeso. Ni dewletura Tayınê veré xo çarna hate demoqırasi. Hate isanetiye.Tayunu kı verdıra bero kı, qı çü xo destra nena ro. Zaf gonia feqır fıqaru rısne, Herbone di­nare bi sebeb. Cirane xo qırkerdi. Nayê ser tayını dımıra zaf zewte feqır fıqaru, zewte mıletu esto. Nino ra juyê ki olağa madera. Newayê serra kê ebê zorbaji­ya bayrequ, resmu dane ma, dane do­manu dest, vane “Atanê xore, dewleta xore wayir vecire”. Ma na dewletê piya ardê pêser. Ma bırayi me, gereko pero pia cırê wayır veci mi. Mayi xorê vaymé heya xoray kê, heniyo.

Taye roci kê estê hometa dinare verdê ra berokı, ze sewle tica sodıri, tani dane isani. roştiyê dane homete. Zulu­matiye dê tore benê çhığır. Roca puko ğezeb dê daymet reçê musnenê isani. Ni roci rocê karkeru, rocê cenu, canuku, adıre newroji, roce haştiyu isanetiye.

Madı ki taye roci este, çend ha­zar serro kê xo vira nêkeymê. Gağand, rocê Xızıri, hawtımalê. Ninora jüyê kê roca kerbelawa.

15’ce paiza peyenê mare ni rozane bubarekana juya

Vane qırkerdaise Dersım’de phoncas hazar isanê Kırmanci amo kis­tene. Dewleta Tırki ebê adeto tore xo gore, a waxt taye sanayi şungi ver, taye wertê bonude adır na pa vesnayi, taye ki wertê deru derxanu dê sanay qersu­nu ver. Nê pil zana, nê qıc! Zerbê he­nena amay kê , zulme inu ver dar jiba, kemer berba, theru thur herde dewreşi caverda.

15’ce payiza peyenê mare ha­tırayê çare pakiya. Wertê sari dê serê tik feteliayena. Ağlerone Dersım’i hem mekemede, hemı ki verba pilone Tırk’u dê çhoki nenayi ro cıra mınete nêkerde. Roca cüamerdiye bê namê Dersım’iya mare meras verda. Pero kamıl bi werte­ra zafi tenu zone tırki bê qanune Tırkiya nezanene. Howtoy dı kamılê Dersımi ebê dubaru , ebê hilona veti mekemê. Qerare mekemi ebı tırki da wendené. “Vati kê mesela mow sıma, ye ju rocé niyo. Phonc sey serra kê sıma verba dewleta ma vecine, seré darenewé, nu hefê phonc sey serono ma sımara cey­mê.”

Kamılone Dersım’ra Seyd Rıza, Usenê Seydi, Fındıq Ağa, Seyd Usen (Lacê Seyd Rızay) Hesenê İbrayımi, He­sen Ağa ( Lace C. Areki) Aliye Mırzali. 15’ce payiza peyenê dê Xarpet dê fiti dare. İye kê nefit darê ceza merdenê de cı tedê hepıs xanane Tırkiya ro ker­di vıla. Serri amay verdi ra, hurendiya inu kes nêmusa cıra kes peyser niama. Kotté merdi çhı ama serdê, kes nêmu­sa. Meyıte Seyd Rızay bê ses havolana berdi kerdi vindi. Hurendiya mezelonê Seydane Dersimi hona beli niya.

Dımera hirıso heşti ama. A ser­rê sak kerd Dersımi serra. Taye qır ker­di taye rusnay ğerbu. Çhemê Muzıri asmona meyte ceni, çeneku ser, bê veng çhığıre xoro şi. Dar sermia, kemer sermia, herd sermia. Hama vengê sare Kırmanci kes nêheşiyapê!

Dımera goniweru dest paye xo şüti hen şi Dersım’ra. Hama xodımı goniya zav zeçhê Dersımi caverday bi. Guna cenu, çeneku, guna theru thuri, guna jaru diyaru bı jibaise domanu xodê; tey berd.Zewtê bekesu, zewtê cerçhegu ino dımıra khem nebi. Vane na dinadê, a dinadê deste ma axê dew­leta Tırki’dero. Coru roza rındê nêveno. Heqsıjiyê çeberra khêm nêbo. Hate ra ma qırkerdimi hate ra teyniya şaye ker­dê riye xora va kê “Mı medeniyet berd uca”.

Hirıso heşti ra nat heştayê serre verde ra. Ma na rocê xo virra nêkerde. Hama heqiya ni mordemane piluy kı, ma nedecê. Cer herd, cor asmen zano kê, ma inore dendarime. Hona şiya ino dê ma qedır qımet venenimê. Name Dersımiyo kê hurendiya xo berca, ino­ne kê verba zalımi dê vıle xo neno ro saa inanrawo.

İnê verê xo çarna hate tija sodı­ri, hate Duzgıni, hate Sultan Babayi.Vat çebere Anqara çebere dubarano çe­bere hilono. A rira xonça goniweru ra, loqme harami ra dür vıneti. İnu xo eşt bextê Dersimi, est bextê Kırmanciye.

Naye ser gereko hometa Dersı­mi roca inu dê dest jübini dero. Name inu, roca inu, ebê qeyreta biyaro zon. Seydone xo, Sefkanane xo bê, canu­kanê Dersımiya coro xo vira mekero,cı­re wair veciro.

(Dersim Gazetesi Kasim 2017)

Bu haber 312 kere okundu
  • Bu haberi paylaşın:
UYARI: Konuyla ilgisi bulunmayan, hakaret içeren cümleler veya imalar, inançlara saldırı, şiddete teşvik ve tamamı büyük harfle yazılan yorumlar onaylanmamaktadır.
Kategorisindeki Diğer Haberler
Bira ma re xo name ke? Namê to çiko? Kamjî dewe ra wa? Kamjî sarî ra wa?..